Walang aircon ang nasakyan kong taksi. Hindi ako nagrereklamo. Sinasabi ko lang.

Aanhin pa nga ba ang aircon kung mas malamig naman kung wala ito? Ibang iba talaga ang Baguio kung ikukumpara sa Maynila. Maliban sa malamig na klima ay mababait ang mga drayber ng taksi dito. Hindi pa naman madali ang mga daan. Maraming daan ang paakyat at maraming daan ang pasikot-sikot. At kahit mas mababa ang rate kumpara sa Maynila, ibinibigay pa nila ang sukli hanggang sa kahuli-hulihang piso. Kung minsan pa ay sobra ang sukli nila kapag wala silang barya. Naalala ko dati ay namamahalan na ako kapag umaabot sa P35 ang pamasahe ko. Hindi ako kuripot. Kinailangan ko lang talagang magtipid kung gusto kong makapagtapos ng pag-aaral.
Read the entire entry »